मंत्री टीएस सिंहदेव ह आयकर छापे म राज्यपाल ल लिखिस पत्र

जय जोहार रायपुर…. आयकर विभाग के प्रदेश म छापेमारी ल लेके स्वास्थ्य मंत्री टीएस सिंहदेव ह राज्यापाल अनुसुईया उइके ल पत्र लिखके हस्तक्षेप के अनुरोध करे हे। मंत्री ह देश के लोकतांत्रिक ढांचा के रक्षा के दुहाई दे हे, जेखर ले एक निर्वाचित सरकार ह संविधान के दायरा म निर्भय होके काम कर सकही।
मंत्री टीएस सिंहदेव ह राज्यपाल उइके ल 29 फरवरी के लिखिस पत्र म बताइस कि जेन तरह ले केंद्रीय सुरक्षा बलों के संग ये कार्रवाई करे जात हे, वो प्रदेश के कांग्रेस सरकार म राजनीतिक विद्वेष ले प्रेरित हमला प्रतीत होवत हे। वो मन ह कहिन कि कौन सा एजेंसी छापा मारत हे, ये संबंध म छत्तीसगढ़ सरकार ल सूचित नई करे गे हे।
मंत्री ह कहिन कि भाजपा लोकतांत्रिक तौर तरीके ले कांग्रेस के मुकाबला नई कर पात हे। इसलिए ये तरह ले अलोकतांत्रिक तौर तरीके ले संघीय ढांचा म हमला करत हे।