रायपुर पहुंचिस देश के प्रथम नागरिक, काली गुरू घासीदास केंद्रीय विश्वविद्यालय के दीक्षांत समारोह म होही शामिल

जय जोहार रायपुर…. राष्ट्रपति रामनाथ कोविंद दो दिन के दौरा म छत्तीसगढ़ पहुंच गे हे। राष्ट्रपति एयरफोर्स के विमान ले रायपुर एयरपोर्ट पहुंचिस। वो हा एयरपोर्ट ले बिलासपुर रवाना हो गिस। एयरपोर्ट म राष्ट्रपति के राज्यपाल अनुसूईया उईके, मुख्यमंत्री भूपेश बघेल, शहर के महापौर एजाज ढेबर, चीफ सिकरेट्री आरपी मंडल, डीजीपी डीएम अवस्थी ह स्वागत करिस।

राष्ट्रपति दो मार्च के बिहिनिया 10 बजे गुरू घासीदास केंद्रीय विश्वविद्यालय के दीक्षांत समारोह म शामिल होही। ऊहां विश्वविद्यालय के पांच नए भवन के उद्घाटन करही। दीक्षांत समारोह लगभग एक घंटा के होही। एखर बाद राष्ट्रपति रायपुर आही। एयरपोर्ट ले फेर वो हा दिल्ली बर प्रस्थान करही।