बजट ल लेके प्रदेश कांग्रेस अध्यक्ष मोहन मरकाम बोलिस- सबो वर्ग बर हे हितकारी बजट

जय जोहार रायपुर…. मुख्यमंत्री भूपेश बघेल के आज प्रस्तुत दूसर बजट के कांग्रेस ह स्वागत करिस। प्रदेश कांग्रेस अध्यक्ष मोहन मरकाम ह कहिन कि राज्य के सर्वहारा वर्ग के सर्वांगीण विकास बर प्रस्तुत एक लाख दो हजार 907 करोड़ रूपिया के बजट गढ़बो नवा छत्तीसगढ़ के नारा ल बुलंद करत प्रदेश के विकास म नवा आयाम गढ़ही।

प्रदेश कांग्रेस अध्यक्ष ह कहिन कि बजट म किसान मन ल ओखर उपज के 2500 रूपिया दाम मिले, एखर बर बनाए गे राजीव गांधी किसान न्याय योजना ले किसान मन के आर्थिक संपन्नता के मार्ग प्रस्शत होही। छत्तीसगढ़ के पहचान धान के कटोरा के रूप म होवत हे। वो अब हमेशा हरा भरा रही।

मुख्यमंत्री भूपेश बघेल ह बस्तर ल लेके सरगुजा तक अऊ रायगढ़ ले लेके राजनांदगांव तक ग्रामीण अऊ शहरी क्षेत्र के विकास के मॉडल ये बजट म दिखाए हे। अति पिछड़ा जिला दंतेवाड़ा के गरीबी के स्तर ल राष्ट्रीय स्तर के गरीबी 22 प्रतिशत तक लाए बर स्थानीय संसाथनों के अलावा विशेष 20 करोड़ रूपिया के बजट प्रावधान करे ले दंतेवाड़ा के पिछड़ापन ल दूर करे म मदद मिलही।

वो हा बताइस कि कोंडागांव जिला म कुपोषण ल दूर करे बर के उद्देश्य ले पायलट प्रोजेक्ट चलाए जाही। जेमा फोटिफाईड के वितरण सार्वजनिक वितरण प्रणाली के तहत करे जाही। ये कार्य बर बजट म पांच करोड़ 80 लाख रूपिया के प्रावधान करे गे हे। कोंडागांव जिला मुख्यालय म कन्या महाविद्यालय के स्थापना करे जाही।