छत्तीसगढ़ के राज्यसभा उम्मीदवार मन के नाम म आज लगही मुहर

जय जोहार रायपुर…. राज्यसभा उम्मीदवार मन के नाम म आज कांग्रेस के बैठक म मुहर लग सकत हे। मुख्यमंत्री भूपेश बघेल के संग पीसीसी अध्यक्ष मोहन मरकाम घलो दिल्ली म हे। मुख्यमंत्री अऊ पीसीसी चीफ के अलावा प्रभारी पीएल पुनिया घलो राष्ट्रीय अध्यक्ष ले मुलाकात करही। बहरहाल आज देर शाम तक राज्यसभा के लिस्ट जारी हो सकत हे।

छत्तीसगढ़ म राज्यसभा के दो सीट अप्रैल म खाली होवइया हे। ए दुनो सीट म एक कांग्रेस के पास हे, जबकि दूसर म भाजपा के कब्जा हे। लेकिन मौजूदा संख्या बल के हिसाब ले दुनो सीट ए दफा कांग्रेस के कब्जा म आही। मतलब कांग्रेस के मोतीलाल वोरा के सीट त बरकरार हे। भाजपा ले रणविजय सिंह जूदेव के सीट घलो अपन पक्ष म कर लेही।