विश्वविद्यालय मन के स्नातक प्रथम, द्वितीय अऊ स्नातकोत्तर प्रथम वर्ष के परीक्षा होइस स्थगित, सबो शैक्षणिक दौरा घलो रद्द

जय जोहार रायपुर….राज्य सरकार ह कोरोना वायरस ले सतर्कता ल लेके चलात अभियान के तहत नवा आदेश जारी करे हे। राज्य सरकार ह विश्वविद्यालय मन ल निर्देश जारी कर स्नातक अऊ स्नातकोत्तर कक्षा मन के परीक्षा ल स्थगित कर दे हे।

उच्च शिक्षा विभाग के तरफ ले जारी पत्र म लिखे गे हे कि स्नातक प्रथम वर्ष, द्वितीय वर्ष, स्नातकोत्तर के प्रथम वर्ष अऊ सेमेस्टर पद्धति म पहिला, दूसर अऊ तीसर चरण के परीक्षा मन ल स्थगित कर दे गे हे।

ए पत्र के तरफ ले राज्य सरकार ह शैक्षणिक दौरा ल घलो निरस्त कर दे हे। संगेसंग महाविद्यालय या विश्वविद्यालय मन म घलो कोनो सेमीनार, संगोष्ठी अऊ प्रशिक्षण आयोजित नई होही।