भाजपा प्रवक्ता सच्चिदानंद उपासने के बयान म कांग्रेस के पलटवार, कहिन- जनता के पैसा ल जनता बर उपयोग करे म भाजपा नेता मन के पेट म दर्द क्यों

जय जोहार रायपुर…. भाजपा प्रवक्ता सच्चिदानंद उपासने के बयान म कांग्रेस के प्रदेश प्रवक्ता धनंजय सिंह ठाकुर ह कहिन कि कोरोना महामारी संकट के समय छत्तीसगढ़ सरकार ह आपदा मोचन निधि ले 90 करोड़ के राशि छत्तीसगढ़ के जनता के स्वास्थ्य म खर्च करत हे। मुख्यमंत्री भूपेश बघेल के सरकार जनहित के कार्य करत हे। किसान, निशक्तजन, दिहाड़ी मजदूर, गरीब, असहाय, निर्बल अऊ कमजोर लोग मन के दुआ मुख्यमंत्री भूपेश बघेल के सरकार ल मिलत हे। भाजपा ए संकटकालीन दौर म जनसेवा नई बल्कि श्रेय ले के राजनीति करत हे। अईसे म भाजपा नेता मन के पेट म मरोड़ उत्पन्न होना स्वाभाविक बात हे।

वो हा कहिन कि 15 साल तक रमन सिंह के सरकार रहिस। ए दौरान भाजपा ह जमकर कमीशन खोरी करिस, जेखर दुष्परिणाम भाजपा ले भोगना पड़िस। विधानसभा चुनाव म करारी हार होइस अऊ 15 साल शासन करे के बाद 15 सीट बमुश्किल नसीब होए रहिस।

वो हा कहिन कि केंद्र सरकार के खजाना ल छत्तीसगढ़ के वन संपदा खनिज ले मिलइया रायल्टी ले भरत हे। केंद्र सरकार के खजाना म छत्तीसगढ़ के हक-अधिकार हे। छत्तीसगढ़ के राजस्व के पैसा ल छत्तीसगढ़ के जनता के स्वास्थ्य म खर्च करे जात हे। अईसे म भाजपा के नेता के तिलमिलाहट समझ ले परे हे।