रायपुर। छत्तीसगढ़ के चंद्रपुर विधानसभा क्षेत्र ले बीजेपी विधायक युद्धवीर सिंह जूदेव एक बार फेर चर्चा म हे। विधायक ह तेजी ले बढ़त धर्मांतरन के मामला ल लेके प्रधानमंत्री नरेंद्र मोदी ल पत्र लिखे हे, जेमा उमन धर्मांतरन करे के बाद घलो आदिवासी बने रहइया लोगन मन ल आरक्छन के लाभ देय ले रोक लगाय के मांग करिस हे।
प्रधानमंत्री नरेन्द्र मोदी ल लिखे गे पत्र के खुलासा जूदेव ह फेसबुक म करिन हे। जुदेव ह पत्र म झारखंड के तर्ज म धर्मांतरित आदिवासी मन के आरक्छन रद्द करे के बात कहे हे। युद्धवीर सिंह ह प्रधानमंत्री नरेंद्र मोदी ल दू पेज के पत्र लिखे हे । ये पत्र ल लेके राजनीतिक गलियार मन म चर्चा मन के दउर चलत हवय।
पत्र म विधायक ह लिखे हे के धर्मांतरित आदिवासी मन ल आरक्छन के लाभ मिले के कारण असली आदिवासी मन के हक मारे जात हे। पत्थलगड़ी उपर सरकार के सख्ती के बाद भाजपा विधायक के उठाए गे ये कदम के बाद छत्तीसगढ़ के सियासत म एक बार फेर घमासान होय के आसार हे।
