मुख्यमंत्री भूपेश बघेल के प्रयास ले देशभर के मजदूर मन के होही विशेष ट्रेन ले घर वापसी – विकास उपाध्याय

जय जोहार…. लॉकडाउन के चलत देशभर म फंसे छत्तीसगढ़ के मजदूर, तीर्थयात्री, पर्यटक अऊ छात्र मन ल वापस लाय बर विशेष ट्रेन के सुविधा मिले म रायपुर पश्चिम विधानसभा के विधायक विकास उपाध्याय ह हर्ष व्यक्त करे हे। वो हा कहिन कि मुख्यमंत्री भूपेश बघेल ह संवेदनशील मुख्यमंत्री हे अऊ हर वर्ग के चिंता करत हे। विपत्ति के समय राज्य के बाहर फंसे मजदूर मन के रहे अऊ खाने के संग ओ मन ल आर्थिक मदद करिस।

छत्तीसगढ़ म घलो अन्य राज्य ले आय मजदूर मन ल अतिथि देवो भव: के तर्ज म ओखर देखभाल करे हे। मुख्यमंत्री बघेल के प्रयास ले मजदूर मन ल विशेष ट्रेन ले घर वापस आय के मौका मिले हे। वो हा कहिन कि संकट क समय म घलो भाजपा के राज्यसभा सदस्य, भाजपा सांसद अऊ विधायक मन के रवैया ह छत्तीसगढ़ विरोधी ही रहे हे।