महासमुंद ले ए जिला म पहुंचिस 23 हाथी मन के दल, फसल ल करिन चौपट

जय जोहार…. महासमुंद ले 23 हाथी मन के दल ह गरियाबंद जिला मे प्रवेश कर गे हे। आज बिहिनिया हाथी मन के दल ल राजिम के पास ग्राम धमनी-कुम्ही के खार में देखे गे हे। हाथी मन के संख्या ह लगभग दो दर्जन के करीब बताय जात हे।

राजिम एसडीएम के मुताबिक 23 हाथी मन के दल हे, जेन जिला के सीमा म प्रवेश करे हे। काली शाम छह बजे एखर दल ल महासमुंद के बम्हनी गांव म देखे गे रहिस अऊ आज बिहिनिया हाथी मन ह जिला के सीमा म प्रवेश करे हे। अभी एखर लोकेशन राजिम के पास अरण्ड अऊ कुम्ही गांव के बीच बताय जात हे। वो हा बताइस कि हाथी मन के दल ह बड़ी तेजी ले आघू बढ़त हे। किसान मन के फसल के नुकसान के जानकारी घलो सामने आय हे। वे अपन टीम के संग निगरानी रखे हुये हे।

बतावत जात हे कि हाथी मन के दल के जानकारी मिलत ही वन अमला घलो सतर्क हो गे हे। आसपास के सबो ग्राम म लोग मन ल मुनादी के जरिये हाथी के आय के जानकारी दे दे गे हे।