सीएम भूपेश बघेल ह रेल मंत्री पीयूष गोयल ल लिखिस पत्र, छत्तीसगढ़ के प्रवासी मजदूर मन के वापसी बर मांगिस 28 ट्रेन

जय जोहार…. मुख्यमंत्री भूपेश बघेल ह रेल मंत्री पीयूष गोयल ल पत्र लिखे हे। एमा छत्तीसगढ़ के प्रवासी श्रमिक मन के वापसी बर देश के अलग-अलग शहर ले 28 ट्रेन के संचालन के अनुरोध करे हे। मुख्यमंत्री बघेल ह भारत सरकार के तरफ ले फंसे मजदूर मन के ओखर घर तक वापसी बर ट्रेनों के संचालन के निर्णय का स्वागत करत हुए मानवीय आधार म रेलवे के तरफ ले ट्रेनों के संचालन के निशुल्क व्यवस्था करे ल अऊ संचालन बर जल्द तारीख अऊ समय तय करे के आग्रह करे हे।

मुख्यमंत्री बघेल ह अपन पत्र म लिखे हे कि देशभर म पिछले कुछु दिनो म कोविड 19 के खिलाफ लड़ाई ह तेज हो गे हे। छत्तीसगढ़ राज्य के तरफ ले घलो कोविड 19 के बहादुरी ले मुकाबला करे जात हे। ह मन ह अपन राज्य म ए महामारी के संक्रमण ल रोके बर काफी हद तक सफलता पाय हे। ए समय छत्तीसगढ़ के बड़े संख्या म प्रवासी श्रमिक ह देश के अलग-अलग हिस्सा म फंसे हे। हेल्पलाइन अऊ अन्य माध्यम ले प्राप्त सूचना के अनुसार लगभग 1.17 लाख ले घलो अधिक प्रवासी 21 राज्य अऊ 4 केंद्र शासित प्रदेश म फंसे होय के जानकारी हे। परिवहन के प्रक्रिया ह शुरू होय के बाद संख्या ह बाढ़ सकत हे।

मुख्यमंत्री बघेल ह रायपुर-बिलासपुर 7 ट्रेन, लखनऊ ले रायपुर-बिलासपुर 3 ट्रेन, कानपुर ले रायपुर-बिलासपुर दु ट्रेन, चेन्नई ले रायपुर-बिलासपुर एक ट्रेन, बंगलोर ले रायपुर-बिलासपुर एक ट्रेन, पुणे ले रायपुर-बिलासपुर दु ट्रेन, इलाहाबाद ले बिलासपुर एक ट्रेन, दिल्ली ले रायपुर-बिलासपुर तीन ट्रेन, हैदराबाद-सिकंदराबाद ले रायपुर-बिलासपुर तीन ट्रेन, विशाखापट्‌टनम ले रायपुर एक ट्रेन, सूरत-अहमदाबाद ले रायपुर एक ट्रेन, कोलकाता ले रायपुर एक ट्रेन, जयपुर ले रायपुर एक ट्रेन, पटना ले दुर्ग एक ट्रेन के संचालन के आग्रह करे हे।