लॉकडाउन ले अमृतसर म फंसे 300 सिक्ख तीर्थ यात्री मन के होही घर वापसी, आदेश होइस जारी
जय जोहार…. लॉकडाउन ले अमृतसर म फंसे छत्तीसगढ़ के 300 सिक्ख तीर्थ यात्री मन के वापसी के रास्ता ह साफ हो गे हे। एखर वापसी बर अल्पसंख्यक आयोग के अध्यक्ष महेंद्र छाबड़ा ह सीएम भूपेश बघेल ल चिट्ठी लिखिस। जेखर बाद मुख्यमंत्री भूपेश बघेल के निर्देश के बाद राज्य सरकार ह आदेश जारी करे हे।
आदेश के मुताबिक सबो तीर्थ यात्री मन ल सड़क मार्ग के जरिये छत्तीसगढ़ लाय जाही। जेखर सिक्ख समाज ह आभार जताइस हे। बता देन कि लॉकडाउन के चलत ट्रेन के पहिया ह थम गे रहिस। जेखर वजह ले तीर्थ यात्री मन ह अमृतसर म फंसे हुये हे।
