जय जोहार…. मुख्यमंत्री भूपेश बघेल ह प्रधानमंत्री नरेंद्र मोदी ल एक पत्र लिखे हे। एमा स्वास्थ्य कर्मी मन के तरह पुलिस कर्मी, स्थानीय निकाय अऊ जिला प्रशासन के अधिकारी अऊ कर्मचारी मन ल प्रधानमंत्री गरीब कल्याण पैकेज के अंतर्गत बीमा योजना म शामिल करे के अनुरोध करिन हे।
मुख्यमंत्री भूपेश बघेल ह अपन पत्र म लिखे हे कि सबले पहले मे हा आप मन ल महामारी रोग अध्यादेश (संशोधन) 2020 लागू करे बर बधाई देवत हो। छत्तीसगढ़ राज्य म स्वास्थ्य सेवाकर्मी, पुलिस कर्मी अऊ अन्य विभाग के अधिकारी-कर्मचारी ह पूर्ण समन्वय स्थापित कर अपने कर्तव्य के निर्वहन करत हे। यद्यपि छत्तीसगढ़ म स्वास्थ्य सेवाकर्मी मन म कोनो प्रकार के हमले के घटना ह घटित नई होय हे। तदापि उपरोक्त अध्यादेश ह कोरोना संक्रमण ले लड़इया योद्धा मन ल एक मजबूत कवच प्रदाय करत हे। एखर संगेसंग भारत सरकार के तरफ ले स्वास्थ्य सेवाकर्मी मन बर 50 लाख रूपिया के बीमा योजना के घोसना करे गे हे, जेन एक स्वागत योग्य कदम हे।
मुख्यमंत्री बघेल ह कहिन कि आप मन के ध्यान ह स्वास्थ्य कर्मी मन के अतरिक्त उन हजारों कर्मचारी अऊ अधिकारी मन के योगदान के ओर आकर्षित करे ल चाहत हो, जेन दिन रात लॉकडाउन ल सफल बनाय म जुटे हे। जइसे कि आप अवगत हे, अपन ए कर्तव्य के निर्वहन के दौरान कई कर्मचारी अऊ अधिकारी घलो कोविड 19 ले संक्रमित होइस हे। परंतु आश्चर्य के विषय हे कि भारत सरकार के तरफ ले स्वास्थ्य सेवाकर्मी मन बर लागू करे गिस बीमा योजना के दायरा म राज्य के ए कर्मचारी-अधिकारी मन ल बीमा योजना म सम्मिलित नई करे गे हे।
