राज्य ले छत्तीसगढ़ अवइया श्रमिक अऊ व्यक्ति मन के व्यवस्था करे ल सरकार ह दु नोडल अधिकारी करिन नियुक्त
जय जोहार…. कोरोना वायरस के संक्रमण ले नियंत्रण बर घोसित लॉकडाउन म श्रमिक अऊ व्यक्ति मन के अंतरराज्यीय परिवहन करे ल आंशिक छूट दे गे हे। एखर बाद छत्तीसगढ़ अवइया श्रमिक अऊ व्यक्ति मन के क्वारेंटाइन अऊ अन्य व्यवस्था के समन्वय बर ग्रामीण अऊ शहरी क्षेत्र बर अलग-अलग राज्य स्तर म नोडल अधिकारी नियुक्त करे गे हे। एखर आदेश सामान्य प्रशासन विभाग के तरफ ले जारी कर दे गे हे।
ए आदेश के तहत देश के अन्य राज्य म फंसे छत्तीसगढ़ के श्रमिक अऊ व्यक्ति मन के वापस लहुटने म ग्रामीण क्षेत्र म ओखर क्वारेंटाइन समेत सबो व्यवस्था के बारे म तैयारी बर समन्वय अऊ सहयोग उपलब्ध कराय ल राज्य शासन स्तर म प्रमुख सचिव पंचायत अऊ ग्रामीण विकास विभाग ल नोडल अधिकारी नियुक्त करे गे हे। ऊहचे नगरीय क्षेत्र म क्वारेंटाइन समेत अन्य व्यवस्था म समन्वय बर सचिव नगरीय प्रशासन अऊ विकास विभाग ल नोडल अधिकारी बनाय गे हे।
