लॉकडाउन ले बेमेतरा जिला के 12 लोगन मन ह ये प्रदेश म फंसे, वापस लाये बर छत्तीसगढ़ सरकार ले करिन मांग

जय जोहार…. कमाये-खाये बर गिस बेमेतरा जिला के 12 लोगन मन ह अन्य राज्य म फंस गे हे। लॉकडाउन ले पहले ये लोगन मन ह कमाये-खाये बर मध्यप्रदेश गये रहिन। लेकिन लॉकडाउन लगे ले ये मन ह अपन राज्य छत्तीसगढ़ नई लहुट सके हे। ये मन ह वापस लाये के मांग छत्तीसगढ़ सरकार ले करे हे।

बतावत जात हे कि ये लोगन मन ह बेमेतरा जिला के नवागढ़ ब्लॉक के ग्राम पंचायत मजगांव के रहवइया हे। जेन मन ह अपन रोजी मजदूरी कमाये बर मध्यप्रदेश के मंदसौर जिला के ग्राम जग्गा खेड़ी गये रहिस। कोरोना वायरस महामारी के चलत लॉकडाउन ले ये लोगन मन ह मध्यप्रदेश म फंस गे हे। बतावत जात हे कि मध्यप्रदेश सरकार के तरफ ले ए गरीब मजदूर मन ल खाये बर चावल, दाल अऊ राशन कोनो प्रकार के मदद नई मिलत हे। ओखर पास जेन पैसा रहिन वे सबो ह चावल, दाल अऊ राशन के खरीदी म खत्म हो गे हे अऊ खाये बर कुछ नई हे। फंसे लोगन मन ह शीघ्र छत्तीसगढ़ वापस लाये के व्यवस्था करे के मांग मुख्यमंत्री भूपेश बघेल अऊ नवागढ़ ब्लाक के गुरुदयाल बंजारे ले करे हे।