कोरोना ले हे जंग के तैयारी, बचाव बर स्वास्थ्य विभाग ह मुस्तैद

जय जोहार…. बालोद जिला म कोरेना वायरस संक्रमण ल देखत हुये स्वास्थ्य विभाग के तरफ ले पूरा तैयारी कर ले गे हे। मुख्य चिकित्सा अऊ स्वास्थ्य अधिकारी ह बताइस कि जिला म 3953 ले अधिक लोगन मन ह क्वारेंटाइन म हे। संगेसंग 3572 लोगन मन ह 28 दिन के अवधि ल पूरा कर चके हे। ओ मन ल एहतियात बरते बर सलाह दे गे हे।

वो हा बताइस कि अभी जेन लोग ह बाहर राज्य ले आवत हे। ओला आइसोलेशन म रखत हुये सैंपलिंग करे जात हे। हमर मन पास पीपीई किट समेत पर्याप्त संसाधन ह उपलब्ध हे। वो हा बताइस कि इहीचे आरडी किट ले घलो सैंपलिंग करे जात हे। जेखर ले जल्द रिपोर्ट आ जात हे।