शिक्षा, स्वास्थ्य अऊ आवागमन संबंधी अधोसंरचना के उन्नयन बर होही मुख्यमंत्री अधोसंरचना उन्नयन योजना के संचालन

जय जोहार…. मुख्यमंत्री भूपेश बघेल ह शिक्षा, स्वास्थ्य अऊ आवागमन ले संबंधित संरचना के रखरखाव अऊ उन्नयन बर मुख्यमंत्री अधोसंरचना उन्नयन योजना या कार्यक्रम ल प्रारंभ करे के निर्देश मुख्य सचिव अऊ अपर मुख्य सचिव वित्त ल दे हे। मुख्यमंत्री बघेल ह कहिन कि ए योजना के संचालन ल प्राधिकरण जइसन करे जाये। ए कार्य बर वित्तीय प्रावधान करे जाही।

मुख्यमंत्री ह वर्तमान आर्थिक कठिनाई ल देखत हुये योजना के क्रियान्वयन बर आबकारी कर म वृद्धि करे ल अऊ आबकारी वृद्धि ले प्राप्त अतिरिक्त राशि के उपयोग ल शिक्षा, स्वास्थ्य अऊ आवागमन ले संबंधित संरचना के रख रखाव अऊ उन्नयन बर करे के निर्देश दे हे। वो हा कहिन कि आबकारी कर वृद्धि ले प्राप्त राशि ले मरम्मत, अतिरिक्त निर्माण, आवश्यक अऊ उपयोगी सामग्री के क्रय करे जाये।