रबी फसल ल लेके कृषि उपज मंडी म पहुंचत हे किसान

जय जोहार…. राजनांदगांव जिला के किसान ह रबी फसल ल लेके कृषि उपज मंडी म पहुंचत हे। अब तक करीब डेढ़ लाख कट्‌टा धान के खरीदी करे जा चुके हे। लॉकडाउन के सती धान-मक्का जइसे आन फसल के खरीदी म देरी होय हे, लेकिन कृषि मंडी म धान ह किसान मन के पहुंचत हे।

सोशल डिस्टेंसिंग अऊ मास्क लगाय ल लेके कृषि उपज मंडी म एनाउंसमेंट करे जावत हे। जेखर नियम के पालन करत हुये किसान मन ले ओखर फसल ल खरीदी करे जा सके। एला लेके व्यवस्था घलो कृषि उपज मंडी ह करे हे।

बता देन कि कोरोना के सती किसान मन ह अपन फसल ल मंडी म नई बेच पावत रहिस, लेकिन जब सरकार ह लॉकडाउन-तीन म कई गतिविधि ल छूट दिस, त अइसे म किसान ह अपन रबी फसल ल लेके मंडी पहुंचत हे, जेन किसान मन बर राहत भरे खबर हे।