जय जोहार…. प्रदेश कांग्रेस अध्यक्ष मोहन मरकाम ह देश म कोरोना संक्रमित मन के संख्या ह 86000 होय म गहरी चिंता व्यक्त करे हे। वो हा कहिन कि चीन म 80000 संक्रमण होय म कोरोना के शुरूआत ले 176 दिन लगे रहिस। जबकि भारत म कोरोना के शुरूआत म 106 दिन म ही 86 हजार ले अधिक संक्रमण हो चुके हे। चीन के जनसंख्या ह भारत ले जियादा हे, ओखर बावजूद भारत म संक्रमण के दर अधिक होना बड़ अकन चिंता अऊ दुख के विषय हे।
वो हा कहिन कि 24 मार्च ले सुरू होय लॉकडाउन के घोसना करत हुये कोरोना के खिलाफ लड़ाई ल 21 दिन म जीते के प्रधानमंत्री ह दावा करे रहिस। वे 21 दिन ह त कब के बीत गिस। काली 17 मई के लॉकडाउन-तीन समाप्त होवइया हे अऊ आज आकड़ा ह 86 हजार पहुंचत हे।
No Comment! Be the first one.