Train: उत्तराखण्ड, हिमाचल प्रदेश अऊ जम्मू-कश्मीर के प्रवासी मजदूर मन बर काली चलही विशेष ट्रेन

जय जोहार…. मुख्यमंत्री भूपेश बघेल के पहल पर राज्य शासन के तरफ ले लॉकडाउन म आन राज्य ले छत्तीसगढ़ म फंसे श्रमिक मन ल ओखर गृह राज्य पहुंचाये बर विशेष ट्रेन (train) के सुविधा ल सरलघा उपलब्ध कराय जावत हे। ए कड़ी म उत्तराखण्ड, हिमाचल प्रदेश अऊ जम्मू कश्मीर के लोगन मन बर 20 मई के विशेष ट्रेन (train) ल चलाय जाही।

जानकारी के मुताबिक उत्तराखण्ड, हिमाचल प्रदेश अऊ जम्मू कश्मीर के लोगन मन बर 20 मई के चलइया ए विशेष ट्रेन (train) ह दोपहर 12 बजे दुर्ग ले रवाना होके रायपुर-भाटापारा होवत हुये दोपहर 3.05 बजे बिलासपुर पहुंचही। इहां ले संबंधित राज्य के श्रमिक मन ल लेके दोपहर 3.35 बजे रवाना होही। ए संबंध म सचिव परिवहन डॉ. कमलप्रीत सिंह ह सब्बो जिला कलेक्टर, क्षेत्रीय परिवहन अधिकारी अऊ जिला परिवहन अधिकारी ल निर्देश जारी कर दे हे।