उत्तरप्रदेश के श्रमिक अऊ लोगन मन के वापसी बर पांच जून के रायपुर ले रवाना होही स्पेशल ट्रेन
जय जोहार…. सीएम भूपेश बघेल के पहल म आन राज्य म फंसे छत्तीसगढ़ के श्रमिक मन ल वापस लाय जावत हे। संगेसंग छत्तीसगढ़ म फंसे आन राज्य के श्रमिक मन ल ओखर गृह राज्य म भेजे जावत हे। इहीं कड़ी म छत्तीसगढ़ राज्य म फंसे उत्तप्रदेश के श्रमिक अऊ लोगन मन ल ओखर गृह राज्य ले जाय बर 5 जून के रायपुर रेलवे स्टेशन ले एक स्पेशल ट्रेन ह बस्ती, उत्तरप्रदेश बर रवाना होही। ए ट्रेन ह उत्तर प्रदेश राज्य म फंसे छत्तीसगढ़ के श्रमिक मन ल लेके वापस लहुटही।
ए स्पेशल ट्रेन के रवानगी बर श्रम विभाग के सचिव अऊ राज्य नोडल अधिकारी सोनमणि बोरा ह रायपुर कलेक्टर ल राज्य के आन जिला के कलेक्टर मन ले समन्वय कर आवश्यक कार्रवाई सुनिश्चित करे के निर्देश दे हे। छत्तीसगढ़ राज्य के सब्बो जिला के कलेक्टर मन ल ओखर जिला म फंसे उत्तर प्रदेश के श्रमिक अऊ व्यक्ति मन के वापसी बर रायपुर कलेक्टर ले समन्वय कर स्पेशल ट्रेन ले ओखर वापसी ल सुनिश्चित करे के निर्देश दे गे हे।
