कोरोना ले डरना नई हे बल्कि लड़ना हे , घर म रहिके भी सजग रहना हे – राखी

जय जोहार रायपुर… आज कोरोना मामला म छत्तीसगढ़ तेजी ले आघू बाढत हे अऊ संक्रमित मन के संख्या ६५० तक  पहुँच गे हे , ये कोरोना ले छत्तीसगढ़ी सिनेमा ल बहुत जादा नुकसान होय हे , ओखर बाद भी सिने कलाकार मन अपन अपन हिसाब से मदद घलो करीन हे. छत्तीसगढ़ी सिनेमा के अभिनेत्री राखी ह सब्बो ले अपील करे हे कि कोरोना संकट अभी टरे नई हे अऊ एखर संग सजग रहिके जिए के जरूरत हे , एखर बर सबला अपन घर ले जरूरी काम बर ही निकलना हे अऊ भीड़ भाड ले दुरिहा रहना हे, एक दूसर के काम आके ही हम कोरोना ले लड़ पाबो अऊ जीत सकबो. राखी ह केहे कि कोई भी दुःख के घडी हमेशा नई रहे , ओखर सामना करके ओला सुख म बदले जा सकत हे .