corona : बलौदाबाजार म कोरोना के आठ नवा मामले के होइस पुष्टि, अब 74 एक्टिव केस

जय जोहार…. बलौदाबाजार जिला म आज कोरोना (corona) संक्रमण के 8 नवा मामले मिले हे। एखर पुष्टि ल जिला प्रशासन ह करे हे। जेमा ले बिलाईगढ़ विकासखण्ड के अंतर्गत भटगांव ले एक, सरसींवा ले एक एवं ग्राम चकरदा ले एक मरीज हे।

अइसने कसडोल विकासखण्ड के अंतर्गत ग्राम ढेबा ले एक, लोरितखार ले एक अऊ आमगांव ले तीन मरीज शामिल हे। ए गांव ले पहली बार कोरोना (corona) संक्रमण के मामले सामने आय हे। सब्बा मरीज मन ल रायपुर भेजे बर एम्बुलेंस रवाना कर दे गे हे। जिला म कुल कोरोना (corona) संक्रमित मरीज मन के संख्या ह 129 हो गे हे। जेमा ले 74 सक्रिय मरीज हे। जबकि 55 लोगन मन ह स्वस्थ होके अपन घर लहुट चुके हे।