भारत ल फासीवादी रंगरूप दे के कोशिश ल आरएसएस अऊ भाजपा ह करे बन्द – शैलेश नितिन त्रिवेदी
जय जोहार…. भाजपा नेता मन के तरफ ले मोदी ल महिमा मण्डित करने अऊ मोदी के गंभीर गलती के भाजपाई बचाव म प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि मोदी के गलती अऊ गलत बयानी ल सेना अऊ देश के नाम म भाजपा ह राजनीति बन्द करे।
न मोदी सेना हे अऊ न मोदी देश हे। इही गलती हिटलर अऊ मुसोलिनी ह करे रिहिस अऊ ओखर देश के नुकसान होय हे। सेना के वीरता अऊ पराक्रम के आड़ म कायरता अऊ खामी ल छिपाना ठीक नई। हर भारतीय ह देशभक्त हे, लेकिन मोदी-भाजपा ले मतभेद होना स्वभाविक हे। इही त लोकतन्त्र के खूबसूरती हे।
वो हा कहिन कि भारत ल फासीवादी रंगरूप दे के कोशिश ल आरएसएस अऊ भाजपा ह बन्द करे। प्रधानमन्त्री नरेन्द्र मोदी ल जिम्मेदारीपूर्वक व्यवहार करना चाही अऊ बयान देत समय देश के गरिमा के ख्याल रखना चाही। मोदी स्वयं देश अऊ सेना के सरलघा अपमान करत हे।
वो हा कहिन कि कठिन ले कठिन परिस्थिति म पूरा देश ह फौज के संग खड़े हे, लेकिन प्रधानमंत्री अऊ केंद्र सरकार ले सच्चाई घलो जानने के देश ल अधिकार हे। सीमा म जेन कुछु घलो चलत हे, वह जानने के हक पूरा देश ल हे।
