प्रदेश म सबले जियादा साल बीज के होवत हे संग्रहण
जय जोहार…. प्रदेश म ए चालू सीजन के दौरान अब तक संग्रहित लघु वनोपज म ले सबले जियादा साल बीज के होय हे। एखर तय लक्ष्य दू लाख क्विंटल के तीन चौथाई ले जियादा एक लाख 60 हजार 290 क्विंटल साल बीज के संग्रहण हो चुके हे। वन मंत्री मोहम्मद अकबर ह लघु वनोपज के संग्राहक मन ल राशि म विलंब न हो, एखर विशेष धियान रखे बर सख्त निर्देश दे हे।
प्रधान मुख्य वन संरक्षक राकेश चतुर्वेदी ह बताइस कि राज्य म जून महीना के पहला सप्ताह ले शुरूआत हुये साल बीज के संग्रहण ह जोर पकड़ ले हे। अब तक संग्रहित सब्बो लघु वनोपज म ले साज बीज के संग्रहण ह सर्वोच्च स्थान पर जा पहुंचे हे।
प्रदेश म चालू सीजन के दौरान अब तक 73 करोड़ 53 लाख रूपिया के 2 लाख 84 हजार 182 क्विंटल लघु वनोपज के संग्रहण करे गे हे। जेमा ले सबले जियादा 32 करोड़ 6 लाख रूपिया के एक लाख 60 हजार 290 क्विंटल साल बीज के संग्रहण होय हे।
