जय जोहार…. रायपुर नगर निगम के तरफ ले लगभग 127 करोड़ रूपिया के लागत ले प्रदेश के सबले बड़का ठोस अपशिष्ट प्रसंस्करण संयंत्र के निर्माण करे गे हे। ए संयंत्र के मुख्यमंत्री भूपेश बघेल ह अपन निवास कार्यालय ले ई-लोकार्पण करे हे।
प्रदेश म ए सबले बड़का संयंत्र म रोज 500 टन कचरा के वैज्ञानिक तरीका ले निपटान करे जाही। ए पूरा परियोजना के लागत ह 197 करोड़ रूपिया हे। पीपी माडल म कार्य करइया ए संयंत्र म कचरा ले खाद बनही। सीमेंट कारखाना बर सहायक ईंधन घलो मिलही। ए संयंत्र म छह मेगावाट बिजली उत्पादन घलो प्रस्तावित हे।
संयंत्र के लोकार्पण करत हुये सीएम भूपेश बघेल ह कहिन कि ए संयंत्र के लोकार्पण के बाद छत्तीसगढ़ ह भारत म अइसे पहला राज्य बन जाही।
जिहां कोनो शहर म उत्सर्जित कचरा के शत प्रतिशत निपटान ल वैज्ञानिक तरीका ले करे जाही। राज्य सरकार ह स्वच्छ छत्तीसगढ़ के परिकल्पना ल पूरा करत हुये सब्बो शहर म कचरा के वैज्ञानिक निपटान बर प्रतिबद्ध हे।
संयंत्र स्थल म महापौर एजाज ढेबर ह बताइस कि लगभग 500 टन रोज इहां कचरा लाय जाही। जेमा ले लगभग 25-30 टन जैविक खाद बनही, त ऊहचे आरडीएफ 200 टन बनही, जेला सीमेंट प्लान म इस्तेमाल करही।
No Comment! Be the first one.