पूर्व मुख्यमंत्री रमन सिंह ह सीएम भूपेश बघेल ल लिखिन चिट्‌ठी, करिन ये मांग

जय जोहार…. पूर्व मुख्यमंत्री डॉ. रमन सिंह ह मुख्यमंत्री भूपेश बघेल ल चिट्‌ठी लिखे हे। एमा किसान मन ल देशव्यापी बाजार ल मुहैया कराय जाय संबंधी केन्द्रीय अध्यादेश ल राज्य म जल्द लागू करे के मांग करिन। पूर्व सीएम डॉ. रमन सिंह ह कहिन कि केन्द्र सरकार ह देश के अन्नदाता मन बर एक विशेष योजना ल बनाय हे, जेखर जरिये कोनो किसान ह अपन फसल ल देशभर म कहीं घलो बेच सकही।
सीएम बघेल ल लिखे चिट्‌ठी म डॉ रमन सिंह ह कहिन कि केन्द्र के ए नवा अध्यादेश म किसान ह कोनो पेनकार्ड के अपन उत्पाद ल बेच सकत हे। केन्द्र सरकार के ए फइसला ह अन्नदाता मन के हित म हे। एक देश-एक व्यापार के अवधारणा के तहत किसान मन के आय म वृद्धि होही। नवा अध्यादेश म पेन कार्डधारी व्यापारी ल अधिकतम मूल्य म बेचने के स्वतंत्रता दे गे हे।