जय जोहार…. छत्तीसगढ़ सरकार ह गौपालक मन ले गोबर खरीदही। ए गोबर के इस्तेमाल ल गौठान म वर्मी कंपोस्ट म करे जाही। एखर बर मन्त्रीमण्डीय उपसमिति बनाय गे हे।
जेन ए फइसला करही कि गोबर ल कइसे खरीदे जाही। कइसे ओखर प्रबंधन करे जाय। एखर आवाला मुख्य सचिव आरपी मंडल के अध्यक्षता म एक कमेटी बनाय गे हे, जेन एखर वित्तीय प्रबंधन म रिपोर्ट तैयार करही।
ए जानकारी ल मुख्यमंत्री भूपेश बघेल ह प्रेस कांफ्रेंस कर के दे हे। सीएम ह कहिन कि गोबर ले बने वर्मी कंपोस्ट ल किसान मन ल भेजे जाही।
एखर अलावा बाकी वर्मी के इस्तेमामल ल वन विभाग अऊ उद्यानिकी विभाग म करे जाही। वो हा कहिन कि अवइया बेरा म गोमुत्र ल घलो सरकार ह खरीदही।
सीएम ह कहिन कि एखर ले ग्रामीण अर्थव्यवस्था के दृष्टिकोण ले बेहतर परिणाम होही। पहिले गोबर के कीमत तय करे जाही। वो हा कहिन कि राज्य म करीब दू हजार ले जियादा गौठान ह बन चुके हे, जिहां ये काम ह तुरंत सुरू हो सकत हे।
