Corona: छत्तीसगढ़ म फेर कोरोना के 33 नवा मरीज के होइस पहचान, 128 मरीज ह होइस डिस्चार्ज

जय जोहार…. छत्तीसगढ़ म कोरोना (corona) संक्रमित मरीज मन क संख्या ह सरलघा बाढ़त जावत हे। प्रदेश म गुरुवार के 33 नवा मरीज के पहचान होय हे। जेमा रायपुर ले 9, राजनांदगांव अऊ रायगढ़ ले 4-4, बलरामपुर, सूरजपुर, जशपुर अऊ गरियाबन्द ले 3-3, जगदलपुर ले 2, दंतेवाड़ा अऊ बेमेतरा ले एक-एक मरीज शामिल हे। वहीं आज 128 मरीज मन ह कोरोना (corona) ले जंग जीत गे हे, जे मन ल प्रदेश के अलग-अलग कोविड अस्पताल ले डिस्चार्ज कर दे गे हे।
बता देन कि प्रदेश में कोरोना (corona) ले संक्रमित कुल मरीज मन के संख्या ह बाढ़ के 2456 हो गे हे। जबकि एक्टिव मरीज मन के संख्या ह 715 हे। राज्य म ए वायरस ले अब तक 12 लोगन मन के मौत हो गे हे।