छत्तीसगढ़ म बस मालिक मन ह बस चलाय ले करिन मना, रखे हे ये मांग
जय जोहार…. राज्य सरकार के आदेश के बाद घलो प्रदेश म बस चलाय ले बस मालिक मन ह मना कर दे हे। बस मालिक मन ह कहिन कि पहिले ओखर तरफ ले रखे गे मांग ल राज्य सरकार ह पूरा करे, ओखर बाद ही वे बस ल चलाही।
बस मालिक मन ह जेन मांग सरकार ले रखे हे, ओमा लॉकडाउन अवधि के अवइया छह माह के टैक्स ल माफ, डीजल के कीमत के अनुपात म यात्री किराए म वृद्धि अऊ नॉन यूज बस ल बिना टैक्स लिए खड़े करे के अनुमति दे जाए। ए सब्बो मांग के पूरा होय के बाद ही बस मालिक मन ह बस चलाए के बात कहिस।
बता देन कि गुरुवार के देर शाम राज्य सरकार ह यात्री मन के सुविधा बर राज्य म बस सेवा ल चालू करे के अनुमति दे रिहिस। सरकार ह कुछ नियम के संग ये सेवा ल काली ले चालू करे ल केहे हे। सरकार ह जेन नियम के तहत बस ल चालू करे ल केहे हे।
ओमा यात्री, ड्राइवर अऊ कंडक्टर ल मास्क लगाना ह अनिवार्य होही। बस म गुटका, तम्बाकू अऊ धुम्रपान ल करना प्रतिबंधित रही। ड्राइवर अऊ कडक्टर के ड्यूटी ह बारी-बारी ले रही। संगेसंग बस ल रोज सैनिटाइज करना घलो अनिवार्य होही।
