सात जिला के एसपी के हो गे तबादला, राज्य सरकार ह जारी करिन ट्रांसफर सूची

जय जोहार…. राज्य सरकार ह आईपीएस ट्रांसफर सूची ल जारी कर दे हे। राज्य सरकार ह रायपुर, दुर्ग, बलौदाबाजार, सरगुजा, बलरामपुर, सुकमा, जशपुर अउ कोण्डागांव के एसपी ल बदल दे हे। दुर्ग एसएसपी के जिम्मदारी ल संभालत अजय यादव ल राजधानी लाय गे हे।

ऊहचे बलौदाबाजार जिला के कमान संभालत प्रशांत ठाकुर ल दुर्ग के जिम्मेदारी दे गे हे। ईओडब्ल्यू म पदस्थ इंदिरा कल्याण एलेसेला ल बलौदाबाजार भेजे गे हे।
सुकमा के एडिशनल एसपी सिद्धार्थ तिवारी ल कोण्डागांव के नया एसपी बनाय गे हे। ऊहचे टीआर कोशिमा ल बलरामपुर ले सरगुजा के नवा एसपी बनाय गे हे।

माना बटालियन के रामकृष्ण साहू ल बलरामपुर के नवा एसपी बनाय गे हे। कोण्डागांव के एसपी बालाजी सोमवाल ल जशपुर के नवा एसपी बनाय गे हे। सीएसपी रायपुर सुनील शर्मा ल सुकमा के एएसपी बनाय गे हे।