Corona: देश म कोरोना संक्रमित मन के संख्या ह छह लाख ले जियादा, पिछले 24 घंटा म 19148 नवा मामले

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म कोरोना संक्रमित कुल मरीज मन के संख्या ह छह लाख ले जियादा पहुंच गे हे। पिछिले 24 घंटा म कोरोना (corona) संक्रमण के 19148 नवा मामले ह सामने आय हे। जबकि 434 लोगन मन के जान चले गे हे।

स्वास्थ्य मंत्रालय के आंकड़ा के अनुसार देश म कोरोना (corona) संक्रमित मरीज मन के संख्या ह 6 लाख 4 हजार 641 हो गे हे। जेमा ले सक्रिय मरीज मन के संख्या ह 2 लाख 26 हजार 947 हे।

ऊहचे तीन लाख 59 हजार 860 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से देश म अब तक 17834 लोगन मन के जान चले गे हे।