Corona: प्रदेश म कोरोना के 81 नवा मरीज के होइस पुष्टि, 53 मरीज मन ह दिस कोरोना ल मात

जय जोहार…. राज्य म कोरोना (corona) संक्रमण के मामले ह सरलघा बाढ़त जावत हे। राज्य म बुधवार के कोराना संक्रमित 81 नवा मरीज मन के पहचान होय हे। ऊहचे 53 मरीज मन ह कोरोना ले जंग जीत गे हे, जे मन ल प्रदेश के अलग-अलग कोविड अस्पताल ले डिस्चार्ज कर दे गे हे।

आज जेन कोरोना (corona) के नवा मरीज मिले हे, ओमा रायपुर ले 31, राजनांदगांव ले 18, दंतेवाड़ा ले 8, बालोद ले 3, कवर्धा अउ कोरिया ले 4-4, बिलासपुर अउ कांकेर ले 3-3, बलौदाबाजार ले 2, नारायणपुर, बीजापुर अउ मुंगेली ले एक-एक मरीज शामिल हे।

बता देन कि प्रदेश म कोराना (corona) संक्रमित मरीज मन के संख्या ह 2940 पहुंच गे हे। जेमा सक्रिय मामले के संख्या ह 623 हो गे हे। ऊहचे 2303 मरीज मन ह कोरोना ल मात दे के अपन घर लहुट चुके हे। ए वायरस ले राज्य म अब तक 14 लोगन मन के मौत हो गे हे।