Corona: बालोद जिला म मिलिस कोरेाना पाजिटिव, स्वास्थ्य विभाग ह करे हे पुष्टि

जय जोहार…. बालोद जिला म एक कोरोना (corona) संक्रमित मरीज के पहचान होय हे। एखर पुष्टि ल स्वास्थ्य विभाग ह करे हे।
मिले जानकारी के मुताबिक कोरोना (corona) संक्रमित युवक ह कपड़ा के व्यापारी हे, जेन फेरी लगा के कपड़ा बेचत रिहिस। संक्रमित युवक ह कोलाकाता ले आय रिहिस।

जेखर बाद एला होम क्वारेंटाइन कर दे गे रिहिस। युवक के सैम्पल ल ले के जांच बर स्व. बलीराम कश्यप चिकित्सालय जगदलपुर भेजे गे रिहिस, जिहां ले ओखर रिपोर्ट ह पाजिटिव आय हे।
सबले भीड़भाड़ क्षेत्र जवाहरपारा वार्ड ले कोरोना (corona) संक्रमित मरीज के मिले के बाद प्रशासन म हड़कंप मच गे हे। ऊहचे प्रशासन के तरफ ले पाजिटिव युवक ल अस्पताल ले जाय जावत हे।

ऊहचे पुरा वार्ड ल सैनिटाइज करे के तैयारी करे जावत हे। बालोद जिला मुख्यालय म ये पहिला मरीज हे।

संगसंग प्रशासन ह संक्रमित मरीज के हिस्ट्री ल निकालत हे। ऊहचे क्षेत्र ल कन्टेनमेंट जोन घोसित करे के तैयारी करे जावत हे।