जय जोहार…. गृहमंत्री ताम्रध्वज साहू ह आज अपन रायपुर निवास परिसर म पौधरोपण करिन। भगवान शिव के आराधना बर आज ले सुरू हुये पवित्र महीना सावन के पहला सोमवार के रुद्राक्ष के पौधा के रोपण करत हुये प्रदेश के खुशहाली के कामना घलो करे हे। गृहमंत्री साहू के संग खुज्जी विधानसभा के विधायक छन्नी साहू ह घलो रुद्राक्ष पौधा के रोपण करिन। एखर आलावा मंत्री निवास परिसर म मुनगा, आम, नीम अउ आन प्रजाति के पौधा के घलो रोपण करे गिस।
गृहमंत्री साहू ह कहिन कि अभी बारिश के मौसम हे, जेन पौधा लगाय बर काफी उपयुक्त हे। स्वच्छ वातावरण, शुद्ध हवा अउ हराभरा छत्तीसगढ़ बनाय बर प्रत्येक नागरिक ल कम ले कम एक पौधा जरूर लगाना चाही।
