Corona: राजधानी म सरलघा बाढ़त हे कोरोना संक्रमित, 84 नवा मरीज मन के होइस पहचान

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। सोमवार के राजधानी रायपुर म कोरोना के 84 नवा मरीज मिले हे।

ऊहचे 40 मरीज मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे।
स्वास्थ्य विभाग के मुताबिक आज बिरगांव ले सबले जादा कोरोना (corona) संक्रमित 22 मरीज मिले हे।

एखर आलावा डीकेएस हास्पिटल ले 6, माडल काम्प्लेक्स मोतीबाग ले 6, नवापारा अभनपुर ले 10, अंतरराष्ट्रीय यात्री 2 अउ  इंटर स्टेट 3 यात्री के पहचान होय हे।

सब्बो मरीज मन ल अस्पताल म भर्ती करे के प्रक्रिया चलत हे। एखर पुष्टि ल जिला चिकित्सा अधिकारी मीरा बघेल ह करे हे।
बता दें कि राजधानी म कोरोना (corona) संक्रमित मरीज मन के संख्या ह 810 हो गे हे। जेमा ले एक्टिव मरीज मन के संख्या ह 463 पहुंच गे हे।

ऊहचे 344 मरीज मन ह बने होय के बाद अपन घर लहुट चुके हे।