राजधानी म बड़का फइसला, अब शाम सात बजे तक खुलही दुकान, बिना मास्क के नई मिलही सामान

जय जोहार। रोजाना कोरोना के संख्या म होवत बढ़ोतरी के मद्देनजर राजधानी रायपुर म आज जिला प्रशासन के संग अलग-अलग व्यापारी संघ अउ चैम्बर प्रतिनिधि मन के बइठक होय हे। एमा निर्णय ले गे हे कि अब शाम सात बजे के बाद दुकान ह नई खुलही। ऊहचे दुकान म अवइया लोगन मन ल बिना मास्क के प्रवेश नई दे जाही। बिना मास्क के सामान नई दे के घलो निर्णय ले गे हे।

बइठक म सोशल डिस्टेंसिंग के घलो पालन करे के निर्देश दे गे हे। एखर संग दुकान ल बन्द करे समय ल घटा के शाम सात बजे कर दे गे हे। एमा व्यापारी मन ल दुकान के सामान समेटे बर आधा घंटा के अतिरिक्त समय दे गे हे। अगर कोनो दुकान ह शाम 7.30 बजे के बाद खुले दिखही त ओ मन म कार्रवाई करे जाही।