Corona: देश म 24 घंटा म कोरोना के रिकॉर्ड 34 हजार ले जादा नवा मरीज, 687 लोगन मन के हो गे मौत

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म कोरोना (corona) संक्रमण के कुल मामला ह 10 लाख ले जादा हो गे हे। पिछले 24 घंटा म रिकॉर्ड 34956 नवा मरीज के पहचान होय हे। ए दौरान 687 लोगन मन के मौत हो गे हे।
केन्द्रीय स्वास्थ्य मंत्रालय ले जारी आंकड़ा के मुताबिक देश म अब कोरोना (corona) संक्रमित मरीज मन के कुल संख्या ह 10 लाख 3 हजार 832 पहुंच गे हे। जेमा ले 3 लाख 42 हजार 473 एक्टिव केस हे। उहचे 6 लाख 35 हजार 757 लोगन मन ह कोरोना ले जंग जीत गे हे, जेखर बाद ओ मन ह अस्पताल ले डिस्चार्ज हो के अपन घर लहुट चुके हे। ए वायरस ले अब तक देश म 25602 लोगन मन के जान चले गे हे।