Corona: देश म सरलघा दूसर दिन कोरोना के 34 हजार ले जादा नवा मामला, 671 लोगन मन के हो गे मौत

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म सरलघा दूसर दिन 34884 नवा मामला ह सामने आय हे। ए दौरान 671 लोगन मन के मौत हो गे हे।
केन्द्रीय स्वास्थ्य मंत्रालय ले जारी आंकड़ा के अनुसार देश म अब कोरोना (corona) संक्रमित मरीज मन के कुल संख्या ह 10 लाख 38 हजार 761 हो गे हे। जेमा ले सक्रिय मामले ह 3 लाख 58 हजार 692 हे। उहचे 6 लाख 53 हजार 751 लोगन मन ह कोरोना (corona) ल मात दे के अपन घर लहुट चुके हे। ए वायरस ले देश म अब तक 26273 लोगन मन के मौत हो गे हे।