CM Bhupesh Baghel ह गौठान के संचालन बर दे हे 10 करोड़ के मंजूरी
जय जोहार. सीएम भूपेश बघेल (Bhupesh Baghel) ह प्रदेश सरकार के महत्वाकांक्षी सुराजी गांव योजना के तहत निर्मित गौठान मन म पशुधन के रखरखाव के व्यवस्था अउ सुव्यवस्थित संचालन बर 10 करोड़ 80 हजार रुपिया के मंजूरी दे हे।
मुख्यमंत्री (Bhupesh Baghel) के निर्देश के परिपालन म वित्त विभाग ह ये राशि ल प्रमुख सचिव पंचायत अउ ग्रामीण विकास विभाग अउ सचिव नगरीय प्रशासन विभाग ल जारी कर दे हे।
Gariaband: व्यवसाय म लोन बर आवेदक मन ले आवेदन आमंत्रित, 10 अगस्त हे आखिरी तारीख
राज्य के 2502 गौठान ल 40-40 हजार रूपिया के मान ले ये राशि ल स्वीकृत करे गे हे।
जेमा ग्रामीण इलाका म 2300 अउ नगरीय क्षेत्र म 202 गौठान हे।
उल्लेखनीय हे कि पशुधन के संरक्षण अउ संवर्धन बर
निर्मित गौठान मन म पशु के रखरखाव, चारा अउ पानी के व्यवस्था के संग बड़का पैमाना म वर्मी कम्पोस्ट खाद के उत्पादन
अउ आजीविका के आन गतिविधि ल संचालित करे जात हे।
अवइया 20 जुलाई हरेली पर्व ले प्रदेश म गोधन न्याय योजना ह सुरू होवइया हे।
ए योजना के तहत पशुपालक अउ किसान मन ले तय दर म गोबर के खरीदी करे जाही।
क्रय गोबर ले वर्मी कम्पोस्ट तैयार करे के काम घलो गौठान म होही।
