आईएएस बने के सपना राखे कृतिका के सम्मान करिस मोना , किहिस करहूँ हर संभव मदद

जय जोहार रायपुर… सेन समाज के नोनी कृतिका ल दसवीं म ९३.६३ अंक मिलिस जेखर ले समाज के वो ह गौरव बन गे हे , कृतिका के सपना हे कि वो आईएएस बन के समाज बर कुछु करे , ओखर ये सपना पूरा करे म हर संभव मदद करे के आश्वासन दे हे अभिनेत्री अऊ बेटी बचाओ के ब्रांड अम्बेसेडर मोना सेन ह ,

मोना ह कृतिका ल बधाई दिस अऊ ओखर उज्जवल भविष्य के कामना करिस , ये मौक़ा म मोना ह ओला प्रशस्ति पत्र घलो दिस अऊ किहिस कि कृतिका ह समाज के नाम रोशन करे हे , कृतिका ल आगे पढ़ाई बर हर संभव मदद करे के बात मोना ह कहे हे , ये मौक़ा म साधुराम भारद्वाज , विजय कुमार सेन अऊ वीरेन्द्र सेन घलो उपस्थित रिहिन.