Corona: प्रदेश म फेर मिले हे कोरोना के 243 नवा मामला, राजधानी म घलो 25 पॉजिटिव
जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म सनिच्चर के कोरोना के 243 नवा मामला मिले हे।
उहचे 146 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।
आज जेन कोरोना (corona) के नवा मरीज ह मिले हे, ओमा बिलासपुर ले 64, रायपुर ले 25, बीजापुर अउ दुर्ग ले 18-18, बस्तर अउ जांजगीर-चांपा ले 11-11, नारायणपुर अउ रायगढ़ ले 7-7, कोरिया ले 6, सुकमा अउ सरगुजा ले 4-4, बेमेतरा, कबीरधाम, कोंडागांव अउ दंतेवाड़ा ले 3-3, धमतरी, बलौदाबाजार, जशपुर ले 2-2, राजनांदगांव, कोरबा अउ बलरामपुर ले 1-1 मरीज शामिल हे।
बता देन कि प्रदेश म कोरोना (corona) संक्रमित मरीज मन के कुल संख्या ह 5246 पहुंच गे हे। जेमा ले सक्रिय मामले ह 1564 हो गे हे।
ऊहचे 3658 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।
