Naya raipur म बनही शहीद वीर नारायण सिंह संग्रहालय, संस्कृति मंत्री भगत ह करिन स्थल अवलोकन

जय जोहार…. प्रदेश के संस्कृति मंत्री अमरजीत भगत ह सनिच्चर के शहीद वीर नारायण सिंह संग्रहालय निर्माण बर चयनित स्थल के निरीक्षण करे हे।

नवा रायपुर (naya raipur) म आदिम जाति अनुसंधान अउ प्रशिक्षण संस्थान अउ ट्रायबल म्यूजियम के सामने लगभग 10 एकड़ क्षेत्र म शहीद वीर नारायण सिंह संग्रहालय के निर्माण करे जाही।

मंत्री भगत ह म्यूजियम के भवन के घलो निरीक्षण करिन अउ अधिकारी मन ल आवश्यक निर्देश दे हे।
मंत्री अमरजीत भगत ल आदिम जाति विकास विभाग के अधिकारी मन ह बताइस कि शहीद वीर नारायण सिंह संग्रहालय के निर्माण ह नवा रायपुर (naya raipur) के पुरखौती मुक्तांगन के पास आदिमजाति अनुसंधान अउ प्रशिक्षण संस्थान अउ ट्रायबल म्यूजियम के सामने खाली जमीन म करे जाही।

ए स्मारक म शहीद वीर नारायण सिंह के जीवन वृत्त ल दर्शाये जाही। (naya raipur) संग्रहालय म शहीद वीर नारायण सिंह के प्रतिमा लगाये जाही।

एखर आलावा स्वतंत्रता संग्राम के समय आजादी बर संघर्ष करइया आदिवासी समाज के योद्धा मन के जीवनवृत्त ल घलो चित्रण करे जाही।