cm भूपेश बघेल ह छत्तीसगढ़ी-हिंदी-अंग्रेजी बातचीत कोष के करिन विमोचन

जय जोहार…. सीएम (cm) भूपेश बघेल ह आज अपन रायपुर निवास कार्यालय म महावीर अग्रवाल के तरफ ले संकलित छत्तीसगढ़ी-हिंदी-अंग्रेजी बातचीत कोष के विमोचन करे हे।

ए अवसर म सीएम (cm) भूपेश बघेल ल महावीर अग्रवाल ह बताइस कि पुस्तक म छत्तीसगढ़ी, हिंदी अउ अंग्रेजी भाषा अउ बोली के व्याकरण, लोकोक्ति, मुहावरा अउ दैनिक जीवन म प्रयुक्त व्यवहारिक शब्द के संकलन करे गे हे।

एखर उपयोग तीन भाषा अउ बोली के पाठक ह अपन ज्ञान संवर्धन बर सरलता ले कर पाही। ए दौरान सीएम (cm) भूपेश बघेल ह महावीर अग्रवाल ल छत्तीसगढ़ी-हिंदी-अंग्रेजी बातचीत कोष के प्रकाशन म शुभाकामना दे हे।

सीएम ह कहिन कि ये पुस्तक अपन छत्तीसगढ़ी भाषा ल अउ समृद्ध करही। ए अवसर म योगाचार्य मंगलम दास मंगलम अउ अयूब खान घलो उपस्थित रिहिस।