Corona: राजनांदगांव जिला म मिले हे आईटीबीपी के 17 जवान मन ह कोरोना पाजिटिव
जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे।
आज राजनांदगांव जिला के मोहला मानपुर के कोहका थाना म तैनात आईटीबीपी के 17 जवान मन ह कोरोना संक्रमित मिले हे। उहचे एक महिला स्वास्थ्यकर्मी म घलो कोरोना के पहचान होय हे।
मिले जानकारी के मुताबिक महाराष्ट्र सीमा म स्थित कोहका थाना म जब एक आईटीबीपी के जवान ह कोरोना (corona) संक्रमित मिले रिहिस,
ओखर बाद सबो जवान मन के कोरोना जांच ले गे रिहिस। आज आय जांच रिपोर्ट म 17 जवान मन ह पाजिटिव मिले हे। सबो मरीज मन ल उपचार बर जिला मेडिकल कालेज ले जाय गे हे।
सबो के ट्रेवल हिस्ट्री ह दूसर राज्य के हे। बता देन कि हाल म जवान मन के एक्सचेंज होय हे। एखर सती आन राज्य ले जवान मन ह इहां आय हे।
उहचे (corona) पाजिटिव पाय गे महिला स्वास्थ्यकर्मी ह ब्लाक मुख्यालय ले 12 किलोमीटर दूर प्राथमिक स्वास्थ्य केन्द्र भर्रीटोला म पदस्थ हे,
लेकिन वर्तमान म स्वास्थ्यकर्मी ह ब्लाक मुख्यालय के सामुदायिक स्वास्थ्य केंद्र म सेवा देवत रिहिस।
