जय जोहार…. धमतरी (dhamtari) जिला के मगरलोड ब्लाक के ग्राम करेली बड़ी म सीएएफ के जवान म कोरोना संक्रमण के पुष्टि होय हे।
संक्रमित जवान ह 16 जुलाई के अपन ससुर के शोक कार्यक्रम म शामिल होय ल आय रिहिस। संक्रमित जवान ल उपचार बर धमतरी के कोविड अस्पताल म भर्ती कराय गे हे।
मिले जानकारी के मुताबिक कुरुद थाना के सिंधौरी कला गांव के युवक ह दंतेवाड़ा के कटेकल्याण थाना म सीएएफ के पद म पदस्थ हे, जेन ह 16 जुलाई के अपन ससुराल करेलीबड़ी म ससुर के शोक कार्यक्रम म शामिल होय ल आय रिहिस।
ए जवान ह 22 जुलाई के रायपुर के कालीबाड़ी सरकारी अस्पताल म जा के कोरोना सैम्पल ल दे रिहिस, जेखर रिपोर्ट ह 26 जुलाई के आय हे। रिपोर्ट ह पाजिटिव आय के बाद जवान ल धमतरी (dhamtari) के कोविड अस्पताल म भर्ती कराय गे हे।
ए संबंध म (dhamtari) जिले के मुख्य स्वास्थ्य एवं चिकित्सा अधिकारी डॉ डीके तुर्रे ह बताइय कि करेली बड़ी म मिले कोरोना पाजिटिव जवान ह 33 वर्ष के हे। प्रारंभिक जानकारी म ओखर सीधा संपर्क म आठ लोगन मन ह आय हे। लेकिन जवान ह आइसोलेसन म नई रिहिस। फिलहाल जवान ह करेलीबड़ी म ही रिहिस।
