Chhattisgarh: गोबर विक्रेता मन ल करे जाही आनलाइन भुगतान, सरकार ह जारी करिन दिशा-निर्देश
जय जोहार…. छत्तीसगढ़ (chhattisgarh) सरकार के गोधन न्याय योजना के तहत गोबर विक्रेता पशुपालक मन ल गोबर बिक्री के राशि के भुगतान ल सीधा ओखर खाता म आनलाइन करे जाही।
(chhattisgarh) सरकार ह ए योजना के क्रियान्वयन बर कम्प्यूटरीकृत प्रबंधन प्रणाली संबंधी दिशा-निर्देश जारी करे हे। जेखर अनुसार गोबर के खरीदी अउ वर्मी कम्पोस्ट के बिक्री के पूरा विवरण आनलाइन पोर्टल ले संधारण करे जाही।
वर्मी कम्पोस्ट के उत्पादन बर चिन्हांकित स्वसहायता समूह के तरफ ले गौठान समिति ले गोबर ल प्राप्त कर ओखर वर्मी कम्पोस्ट तैयार करे जाही।
ए तैयार वर्मी कम्पोस्ट के गुणवत्ता परीक्षण कर के ओखर पैकेजिंग करे जाही अउ गौठान समिति ल वापस भेजे जाही। (chhattisgarh) कोनो व्यक्ति ह गौठान म उत्पादित वर्मी कम्पोस्ट ल सहकारी समिति ले खरीद सकथे।
अईसे किसान जेन सहकारी समिति के सदस्य हे। वर्मी कम्पोस्ट ल वस्तु ऋण के रूप म ले सकथे अउ नियम के अनुसार ओमा अनुदान के लाभ घलो प्राप्त कर सकत हे।
