दू महीना म उखडे ल लग गे ५ करोड़ के सड़क , आम आदमी पार्टी ह करिस जांच के मांग

जय जोहार रायपुर… धमतरी जिला म चुरमुडिया भोथली सड़क के निर्माण म लगभग पांच करोड़ के लागत दर्शाय गे हे , लेकिन वो सड़क दू महीना म ही उखड़े ल लग गे हे , आम आदमी पार्टी ह सड़क निर्माण म भ्रष्टाचार के आरोप लगाय हे अऊ जांच के मांग करे हे ,ये सड़क लोक निर्माण विभाग के अनार्गत बनाय गे हे , आप पार्टी ह एक ज्ञापन के माध्यम ले एसडीएम ल लिखित शिकायत करे हे की अतना जल्दी सड़क म दरार आ जाना निर्माण म भ्रष्टाचार के सबूत हे ,

पार्टी ह मांग करे हे कि सड़क निर्माण के ठेकेदार अऊ अधिकारी उपर जांच करके कार्यवाही करे जाय , जनता के खून पसीना के कमाई के दुरूपयोग करैय्या मन उच्च अधिकारी मन के संरक्षण म अइसे कृत्य करथे जेखर पर्दाफाश होना जरुरी हे , पार्टी के यूथ विंग के अध्यक्ष तेजेंद्र तोड़ेकर अऊ चेतन साखरे ह किहिस कि अगर जल्द कार्यवाही नई होही त आम आदमी पार्टी सड़क बर सड़क के लड़ाई लड़ही.