Video conferencing: मुख्य सचिव ह गोधन न्याय योजना के करिन समीक्षा
जय जोहार…. मुख्य सचिव ह आज चिप्स कार्यालय म वीडियो कांफ्रेंसिंग (Video conferencing) ले आयोजित कलेक्टर्स कांफ्रेंस म अलग-अलग जिला म गोधन न्याय योजना के क्रियान्वयन के स्थिति के समीक्षा करे हे।
(Video conferencing) ए अवसर म मुख्य सचिव ह ए योजना के गोबर विक्रेता किसान अउ पशुपालक मन ल पांच अगस्त के करे जवइया पहिला भुगतान के संबंध म विस्तार ले जानकारी दे हे।
मुख्य सचिव ह अलग-अलग जिला म कोरोना संक्रमण के स्थिति, सुरक्षा अउ बचाव के उपाय के घलो समीक्षा करिस।
(Video conferencing) वीडियो कांफ्रेंस म अपर मुख्य सचिव वित्त अमिताभ जैन, मुख्यमंत्री के अपर मुख्य सचिव सुब्रत साहू, प्रमुख सचिव वन मनोज कुमार पिंगुआ, पंचायत अउ ग्रामीण विकास विभाग के प्रमुख सचिव गौरव द्विवेदी, प्रधान मुख्य वन संरक्षक राकेश चतुर्वेदी, कृषि उत्पादन आयुक्त डॉ एम. गीता, स्वास्थ्य सचिव निहारिका बारिक सिंह, सहकारिता सचिव प्रसन्ना आर, मुख्यमंत्री के सचिव सिद्धार्थ कोमल परदेशी अउ नगरीय विकास विभाग के सचिव अलमेलमंगई डी सहित वरिष्ठ अधिकारी मन ह उपस्थित रिहिस।
