cait ह चीनी कंपनी हुवावे अउ जेडटीई म भारत म प्रतिबन्ध लगाय के करिन मांग, केंद्रीय मंत्री रविशंकर प्रसाद ल भेजिन पत्र

जय जोहार…. कन्फेडरेशन ऑफ ऑल इंडिया ट्रेडर्स (cait) ह चीनी कंपनी हुवावे अउ जेडटीई म प्रतिबंध लगाय के मांग केन्द्र सरकार ले करे हे।

ए संबंध म कैट ह केंद्रीय संचार अउ प्रौद्योगिकी मंत्री रविशंकर प्रसाद ल पत्र भेजे हे।

कैट (cait) के राष्ट्रीय उपाध्यक्ष अमर पारवानी, प्रदेश कार्यकारी अध्यक्ष मगेलाल मालू, प्रदेश कार्यकारी अध्यक्ष विक्रम सिंहदेव, प्रदेश महामंत्री जितेंद्र दोशी, प्रदेश कार्यकारी महामंत्री परमानंद जैन, प्रदेश कोषाध्यक्ष अजय अग्रवाल अउ प्रदेश प्रवक्ता राजकुमार राठी हे बताइस कि कैट ह आज केंद्रीय संचार मंत्री रविशंकर प्रसाद ल एक पत्र ल भेज के भारत म 5 जी नेटवर्क रोल आउट म चीनी कंपनी हुवावे अउ जेडटीई कार्पोरेशन के भाग ले म तत्काल प्रतिबन्ध लगाय के मांग करे हे।

वो हा कहिन कि देश के सुरक्षा, संप्रभुता अउ डाटा सुरक्षा बर ये प्रतिबन्ध ह आवश्यक हे।
केंद्रीय मंत्री प्रसाद ल भेजे गे पत्र म कैट (cait) के राष्ट्रीय उपाध्यक्ष अमर पारवानी ह कहिन कि चीन के हुवावे अउ जेडटीई कार्पोरेशन ल भारत म 5 जी नेटवर्क रोल आउट म भाग ले म प्रतिबन्ध लगाना चाही।

संगेसंग ये प्रतिबन्ध लगाय कि ए दुनो चीनी कंपनी के प्रौद्योगिकी अउ ओखर उपकरण के कोनो घलो कंपनी के तरफ ले 5 जी नेटवर्क रोल आउट म इस्तेमाल नई करना चाही।