cm भूपेश बघेल ह केन्द्रीय मंत्री प्रकाश जावड़ेकर ल लिखे हे पत्र, पढो पूरा खबर
जय जोहार…. सीएम (cm) भूपेश बघेल ह केंद्रीय पर्यावरण अउ वन मंत्री प्रकाश जावड़ेकर ल पत्र लिखे हे।
ए पत्र म सीएम बघेल ह पर्यावरण प्रभाव आंकलन अधिसूचना के मसौदा म सवाल उठाए हे।
सीएम बघेल ह कहिन कि ये मसौदा ह सतत विकास के प्रक्रिया ल बाधित करही। सीएम ह पत्र के माध्यम ले मसौदा ल ले के कुछु सुझाव अउ आपत्ति घलो दर्ज कराए हे।
सीएम (cm) बघेल ह पत्र म लिखे हे कि मे हा पर्यावरण मंजूरी दे के नवा प्रक्रिया ल जादा समीचीन अउ ईज ऑफ डूइंग बिजनेस ले जोड़े के आप मन के उद्देश्य ल समझत हों,
लेकिन ईआईए अधिसूचना, 2020 के मसौदा के प्रावधान पर्यावरणीय न्याय शास्त्र के अनुरूप नई हे अउ ये सतत विकास अउ ईआईए प्रक्रिया के अपन उद्देश्य ल पूरा नई करत हे।
सीएम (cm) बघेल ह पत्र म लिखे हे कि ईआईए अधिसूचना 2020 के मसौदा म पर्यावरण मंजूरी दे के संबंध म प्रदेश सरकार के विचार अउ राय ल शामिल नई करे गे हे।
उहचे ईआईए अधिसूचना 2020 के मसौदा म कोनो अइसे प्रावधान नई हे, जेन अनुसूची V अउ VI के तहत संवैधानिक अधिकार के गांरटी देवत हे।
